一路都想買隻膠帶既手錶, 咁啱梁生最近買左呢2隻, 我地一人有一隻..hehehe

淺藍色個隻係我既, 本來我prefer 粉紅色, 不過我隻agnes b都係粉紅色, 所以淺藍都ok~
其實之前冇留意 TOY WATCH 既錶, 不過我LIKE 大大隻既錶, 呢個款啱晒~ 

呢輪都忙住睇有關日本自遊行既forum, 雖然今次係第5次自遊行去日本, 而且今次只是去Tokyo, 但係因為我plan左去”日光”浸溫泉, 而”日光”唔似得”箱根”咁，可以係網上咁容易搵到detail, 所以都很苦惱!!

去左sogo既bookshop, 諗住買rurubu 有關”日光”既書, 點知08-09最新個期話sold out (有冇攪錯, 日本明明3月26至出), 訂既話要等3 weeks (傻啦! 倒不如叫家姐寄本返黎), 心急既我, 買左另一本頂住先~

啱啱過左既WED, K寶有<三國>既fly換 ($45 = 2 張), 數量當然有限, 其實我對於呢d打打殺殺既戲, 一向興趣都不大, 出奇地, 梁生竟然有興趣睇, 咁咪諗住食完lunch 去換fly. 點知, lunch time 時已經有人開始排隊, 咁啱見到個SE會換, 咪託他換多一套比我, 不過, 最後, 他一張都換不到, 劉華既威力果真厲害!!

不過, 我今日竟然意外地得到2張<三國>FLY 呀!!!  話說而家係K寶, 大概1個月要返1次SAT, 今日我要返~ 當我做下呢樣, 攪下個樣既時候, 曾司長忽然走過黎, 遞上2張<三國>FLY 比我, OHOHOH~ 曾司長手頭上當然會有1叠FLY啦, 但估唔到佢會比我LAW~ 勁surprise, 唔係人人有GA!!! 我當然立即說”多謝曾生”啦~

Date: 13th Feb 08

每次克勤既concert, 我都唔會錯過, 記得睇”左麟右李”時, 我是經fans club買fly, 坐得勁前, 睇得勁開心。今次, 沒有入fans club 既我, 搵左K寶既SE, 託他搵皮球既人買fly, 結果今次坐row 6, 仲要係control下低, 對正台, 十分滿意!!

全情投入既我, 很討厭坐係隔離既一對Twins Aunties 整晚不停伴唱著, 唉!! 我係黎聽克勤唱歌ga!! 幸慶有D歌她們也不懂唱, 否則, 我對耳仔受難~~

講返今次既concert, 都係唱返D大路歌, 不過有我喜歡既”十年前後”, 其實對於我黎講, 克勤簡簡單單咁唱歌, 沒有多餘既環節,已經很足夠了…

不得不提既係, 係享受克勤既concert之際, 忽然諗起, 我究竟仲可以睇幾多個克勤既concert 呢…畢竟你已陪左我20年了~ 

今日睇返張SD CARD, 發現之前影左好多張相, 但都未有時問放上個blog度~ 由今日起, 要keep返寫blog既習慣呢~

@ CitySuper

@ Tonkichi

今晚<不死傳奇>主角係張國榮…我既第一個偶像…當時係小學4年級。當講到他離開這PART時, 眼淚又不其然咁流…最遺憾係, 我沒有機會可以欣賞到他的演出…

勁歌總選 - 這幾年, 都沒太著意究竟克勤拎D咩獎, 或者我已見過他拎男歌手, 已心滿意足。同埋只要仍可以聽到他的歌, 便已足夠。當頒金曲金獎時, <花落誰家 - 李克勤>, 不自覺地”YO”左一聲，HAHA…因為我知道, 我最想他可以拎埋金曲金獎就完美, 今晚, 他做到了~

今日又去鵝頸橋, 當然係去買seafood啦, 見到d大帶子, 仲大過我隻手呀~ 不過貴左少少, 問老細”要2隻大既要幾$$”, 他說”差不多$100啦”, 這檔平時也買開的, 所以老細都認得我, 同我講不如買2隻細少少啦, 這隻帶子日本返ga, 唔錯的。我一聽”日本”2個字, 當然二話不說叫他給我2隻啦~ 雖然是細隻, 但其實也算大, 好厚肉~~

另外仲買左龍蝦同象拔蚌, 本來諗住打邊爐, 但好像浪費左隻龍蝦同帶子, 所以最後決定用蒜蓉蒸左佢地…hahahah

 打邊爐就用左我最愛既麪豉湯底, 仲有好味道新鮮肥牛同西洋菜

今年既聖誕, 都係同梁生, 朋友仔渡過, 但今年好似冇咩聖誕氣氛咁, 尤其是中環, 簡直失望….

 梁生給我的x'mas gift, 很surprise 呢~ 今次真係估佢唔到呀…

 12月中, 見到梁生既枱頭有張postcard, 心想”誰會寄postcard給他呢?” 原來係我地今年6月去hokkaido時, 係hakodate 所寄既聖誕咭, 很懷念hokkaido 呀~~

 這張是寄給我的, 很耐冇收過x'mas card LU~~